Ogumu tulun dot alawa okito mantad id soliwan nga naraag o suang ginawo..poingkuro ma do sumiliu tulun di haro ginawo olumis?? powonsoyo no ti..
Koiso, pongonsoi no dit osonong kumaa koinsanai tulun id haro hid sorili nu. Koduo, intangan kasari o kowowo-woyoon om sinokot-sokot do tinan nu. Kada kasaru poutatong o rabas. Kumotolu, kada siliu tulun di asaru tumongob kumaa koinsanan kotimbabaan. Kumaapat, kadaa kotoluod do sumayau. Sumayau nopo nga milo do mongidu kababaan nu. Kumolimo, pomboros no 'Pounsikou' kasari soira ko onuan nunu nopo. Kumoonom, mangai no gompio o koinan-inano om kokorisan tinan nu. Kumoturu, umbal pogi minsingilo do poingkuro mongonsoi simbongol do popoirak do tulun suai. Kumowalu, pogihum no di kasanangan nu momowonsoi tikid tadau. Monguhup moti ri do popoimbulai sinorou dit poinsonong. Kumosiam, osonong nogi sumiliu dot songulun di abinpanahak ko it tulun di naahakan. Nga soira ko nopo manahak, nga pologoso ginawo dit olidang o monogulu dika. Tohuri, siliu no tulun di kiginawo ogirot dot id kinorohingan. Haro o dau kotumbayaan om milo dot sumuni id nunu nopo wonsoyon. Iri-iri no o milo ku piuhupan kumaa toinsanan dati do baino. Agayo karapadan ku do mangangat koinsanan tokou dot mongonsoi nunu id tosonong do powonsoyon om sumodu nunu it araat. Kopivosian..
Tiada ulasan:
Catat Ulasan